खरीबारी, ०४ जुन (सिलगढी क्रोनिकल) – म्याद सकिएको भिसा प्रयोग गरी भारत प्रवेश गर्ने प्रयास गरेको आरोपमा खरीबारीको पानीटांकी भारत-नेपाल सीमा क्षेत्रमा एक बंगलादेशी नागरिक पक्राउ परेका छन्।
प्राप्त जानकारीअनुसार नियमित गस्तीका क्रममा सशस्त्र सीमा बल (एसएसबी) का जवानहरूले ती व्यक्तिलाई शंकास्पद अवस्थामा फेला पारी नियन्त्रणमा लिएका थिए। कागजात जाँच गर्दा उनको भिसाको म्याद धेरैअघि नै सकिएको पाइएको थियो। त्यसपछि उनलाई खरीबारी प्रहरी चौकीको जिम्मा लगाइएको थियो, जहाँ एसएसबीको उजुरीका आधारमा पक्राउ गरिएको हो।
पक्राउ पर्ने व्यक्ति मोहम्मद मुक्तार होसैन रहेको र उनी बंगलादेशको ढाका जिल्लाको नवाबगञ्ज निवासी भएको बताइएको छ।
प्रहरी स्रोतका अनुसार होसैन सन् २०२३ मा वैध भिसा लिएर भारत प्रवेश गरेका थिए। तर कोलकातामा बसोबासका क्रममा भिसाको म्याद सकिएपछि उनी दलाल सञ्जालको सहयोगमा नेपाल पुगेको आरोप छ।
सोधपुछका क्रममा उनले राज्यमा अवैध घुसपैठियाहरूको पहिचान, निगरानी तथा निष्कासनका लागि हालै अपनाइएका कदमबारे जानकारी पाएपछि सीमाबाट पुनः भारत प्रवेश गर्ने प्रयास गरेको बताएका छन्।
आरोपीलाई सिलगढी उप-मण्डलीय अदालतमा पेश गरिनेछ। घटनाबारे खोरीबारी प्रहरीले थप अनुसन्धान सुरु गरेको छ।
